AFISA MWANDIKISHAJI JIMBO LA KISHAPU AWATAKA MAAFISA WAANDIKISHAJI WASAIDIZI KUFANYA KAZI KWA WELEDI

Posted on: August 19th, 2024

Afisa Mwandikishaji Jimbo la Kishapu Ndugu. Emmanuel Johnson anawaalika Wananchi wote wa Jimbo la Kishapu wenye sifa za  kujiandikisha na kuboresha taarifa katika Daftari la kudumu la Wapiga kura.

Hayo Ameyamebainisha leo tarehe 19 Agosti, 2024 akiwa anafunga Mafunzo ya Waandishi wasaidizi na Waendeshaji wa vifaa vya Bayometriki (BVR) katika Ukumbi wa Mikutano wa Stage 2

"Nichukue nafasi hii kuwaalika na kutoa Rai kwa Wananchi wa Jimbo la Kishapu wenye Sifa za Kijiandikisha na kuboresha taarifa zao wenye Umri wa miaka 18 na zaidi na wale watakao fikisha Umri wa Miaka 18 Mwakani" Amesema Johnson

Mafunzo ya Waandishi Wasaidizi na Waendeshaji wa vifaa vya Bayometriki (BVR) yamefungwa leo yakiwa na jumla ya Vijana 648 watakao fanya kazi katika Vituo 324 vya kuandikishia wapiga kura

Kwa upande wake Mkufunzi wa Mafunzo Bw. Lupatiko Lutavi amesema kwamba Waandikishaji wasaidi pamoja na Waendeshaji wa vifaa vya Bayometriki wamepatiwa mafunzo ya Siku mbili ambayo yamewajengea uwezo mkubwa ambao utawasaidia kufanya kazi kwa ufanisi katika vituo vyao

Naye Mwandishi msaidizi Bi, Vestina Robart kutoka kata ya Itilima amekili kuelewa kwa haraka mafunzo kutoka na mafunzo ya siku mbili waliopewa na kuahidi kwenda kuchapa kazi kwa Uzalendo Mkubwa katika Vituo walivyopangiwa

Aidha Pia Afisa Mwandikishaji Jimbo la Kishapu amewataka Waandishi wasaidizi na Waendeshaji wa vifaa vya Bayometriki kwenda kutumia kwa weledi mkubwa mafunzo waliyopata pamoja na kutumia lugha nzuri kwa Wananchi wanaowahudumia pamoja na kutoa Ushirikiano mkubwa kwa Mawakala wa wa Vyama vya Siasa.