DED JOHNSON ATAKA USHIRIKIANO KUINUA ELIMU SHULE YA MSINGI NG'WANIMA

Posted on: September 4th, 2025

Mkurugenzi Mtendaji wa Halmashauri ya Wilaya ya Kishapu Mkoani Shinyanga Emmanuel Johnson akizungunza kwenye mkutano wake maalum uliofanyika Shule ya Msingi Ng’wanima, Kata ya Busangwa uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo Septemba 4,2025

Mkurugenzi Mtendaji wa Halmashauri ya Wilaya ya Kishapu mkoani Shinyanga, Emmanuel Johnson, ametoa rai kwa Wazazi, Walimu na Viongozi wa Vijiji kushirikiana kwa karibu ili kuinua kiwango cha elimu kwa watoto wao, akisisitiza mshikamano kama nguzo ya maendeleo ya elimu.

Johnson ametoa kauli hiyo Septemba 3, 2025, katika mkutano uliofanyika Shule ya Msingi Ng’wanima, Kata ya Busangwa, uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo.

Amesema jitihada za Rais wa Jamhuri ya Muungano wa Tanzania katika kutoa fedha nyingi kwa sekta ya elimu hazina budi kuungwa mkono kwa vitendo, akibainisha kuwa serikali inaendelea kuondoa vikwazo ili watoto wote wapate elimu bora bila gharama.

“Walimu waongeze bidii katika ufundishaji, wazazi wawasiliane kwa karibu na walimu, na kamati za shule ziwe kiungo cha kuondoa changamoto zinazojitokeza. Umoja ndio silaha ya mafanikio hayo”. amesema Johnson.

Afisa Elimu Taaluma wa Wilaya ya Kishapu Mkoani Shinyanga Daniel Bilole, akizungunza kwenye mkutano wa Mkurugenzi wa Halmashauri hiyo Emmanuel Johnson uliofanyika Shule ya Msingi Ng’wanima, Kata ya Busangwa uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi wa maendeleo ya Shule hiyo Septemba 4,2025

Aidha, amehimiza wazazi kuwaheshimu na kuwapongeza walimu kwa juhudi zao, lakini pia wasisite kuwakosoa pale panapojitokeza mapungufu.

Mkurugenzi huyo amewakumbusha Wazazi kufuatilia mienendo ya Watoto wao wanapokuwa nje ya Shule,kukagua madaftari yao,kuhoji siku yao ilivyokuwa shuleni sambamba na kuwalea katika maadili ya Ki Tanzania na kuzingatia umuhimu wa elimu kama msingi wa maisha yao ya baadaye.

“Mtoto anapofundishwa Shuleni halafu akiachiwa nje ya shule bila uangalizi, juhudi za mwalimu hubaki bure. Ushirikiano kati ya malezi ya nyumbani na elimu ya Shuleni ni jambo lisilokwepeka,” ameongeza Mkurugenzi Johnson.

Amengeza kuwa Halmashauri itaendelea kutoa fedha kwa ajili ya ukarabati wa nyumba za Walimu na miradi mingine ya elimu, huku akiomba wananchi waendelee kushirikiana na serikali kuanzisha maboma ya madarasa na majengo ya huduma za afya

ambayo baadaye serikali itayakamilisha katika hatua ya upauaji,uwekaji vifaa na usajili rasmi.

Mtendaji wa Kata ya Busangwa Wilayani Kishapu Mkoani Shinyanga Boniphace Ngaka akizungunza kwenye mkutano wa Mkurugenzi wa Halmashauri hiyo Emmanuel Johnson uliofanyika Shule ya Msingi Ng’wanima, uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo Septemba 4,2025

Kwa upande wake, Afisa Elimu Taaluma wa Wilaya ya Kishapu, Daniel Bilole, amesisitiza kuwa mshikamano wa pamoja kati ya Walimu na Wazazi ndio nyenzo muhimu ya kuongeza ufaulu huku akiwapongeza waalimu kwa kuinua elimu dalasani na kwenye michezo

Wazazi walioshiriki mkutano huo akiwemo Mhangilwa Malieta, Charles Lutalenya na Lucia Ngassa, wamempongeza Mkurugenzi Johnson kwa kusogea karibu na wananchi na kusikiliza changamoto kwa uwazi, wakisema hatua hiyo imewapa hamasa mpya

ya kushirikiana katika kuinua kiwango cha elimu

  .

Mwenyekiti wa Kijiji cha Ng'wanima Kata ya Busangwa Wilayani Kishapu Mkoani Shinyanga Ndulu Shema akizungunza kwenye mkutano wa Mkurugenzi wa Halmashauri hiyo Emmanuel Johnson uliofanyika Shule ya Msingi Ng’wanima, uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo Septemba 4,2025

Mkutano huo ni sehemu ya juhudi za Halmashauri ya Kishapu kujenga uhusiano wa karibu kati ya jamii na Walimu, ikizingatiwa kuwa elimu bora haiwezi kuachwa mikononi mwa serikali peke yake.Ushirikiano wa kijamii unahitajika ili kuongeza ufaulu wa wanafunzi, kupunguza changamoto za miundombinu na kuhakikisha fedha zinazotolewa na serikali zinakuwa na matokeo chanya kwa walengwa.

Kwa ujumla, hatua ya Mkurugenzi Johnson kukutana na wazazi shuleni ni mfano wa uongozi shirikishi unaolenga kuondoa pengo kati ya sera za elimu na utekelezaji wake katika ngazi ya jamii.

Mwenyekiti wa Kamati ya Shule ya Msingi Ng'wanima Kata ya Busangwa Wilayani Kishapu Mkoani Shinyanga Seni Malieta akizungunza kwenye mkutano wa Mkurugenzi wa Halmashauri hiyo Emmanuel Johnson uliofanyika Shule ya Msingi Ng’wanima, uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo Septemba 4,2025

Mwalimu Mkuu wa Shule ya Msingi Ng'wanima Kata ya Busangwa Wilayani Kishapu Mkoani Shinyanga Octavian Katunzi Salvatory akizungunza kwenye mkutano wa Mkurugenzi wa Halmashauri hiyo Emmanuel Johnson uliofanyika Shule ya Msingi Ng’wanima, uliowakutanisha Wazazi, Walimu, Viongozi wa Kata, Vijiji na Vitongoji kwa lengo la kujadili ustawi na maendeleo ya Shule hiyo Septemba 4,2025

Mkurugenzi Mtendaji wa Halmashauri ya Wilaya ya Kishapu Mkoani Shinyanga Emmanuel Johnson akiwa na Mwanafunzi wa darasa la saba Shule ya Msingi Ng'wanima Kata ya Busongwa Wilayani humo aliyekuwa mshindi wa kwanza mashindano ya UMITASHUMTA Tanzania na wa pili Afrika Mashariki mwaka 2025