Ardhi na Maliasili

Idara ya Ardhi imegawanyika katika sehemu nne (4) ambazo ni Uthamini, Mipango miji, Upimaji na ramani, na Ardhi utawala na usimamizi.

Majukumu ya Idara ya Ardhi.

Majukumu ya idara ya ardhi kwa kuzingatia sehemu ya uthamini, mipango miji, upimaji na ramani, ardhi utawala na usimamizi ni kama ifuatavyo:

Sehemu ya Uthamini.

Majukumu ya Idara ni;

• Kukusanya taarifa za utafiti na mwenendo wa soko la ardhi
• Kuhakiki kumbukumbu za utafiti na kuziingiza kwenye komputa
• Kupokea maombi na kufanya uthamini wa ardhi, mazao,majengo na samani
• Kukagua, kupima na kuoanisha thamani ya majengo na ardhi kwa ajili ya kumbukumbu
• Kukadiria kodi ya ardhi

Sehemu ya Mipango miji.

Majukumu ya Idara ni;

• Kuandaa mipango ya maeneo yaliyoendelezwa kiholela/ urasimishaji wa makazi holela
• Kuandaa michoro ya mipango miji kwa maeneo ambayo hajaendelezwa
• Kuandaa mipango ya matumizi bora ya ardhi ya vijiji
• Kuchambua takwimu na taarifa kwa ajili ya maandalizi ya mipango mipya ya makazi
• Kupokea michoro ya mipango miji na taarifa za maeneo ya ardhi yanayopendekezwa kwa ajili ya uendelezaji.
• Kupokea na kuweka kumbukumbu za maombi ya mabadiliko ya matumizi na umegaji wa viwanja
• Kuhakikisha kuwa mabadiliko ya matumizi ya ardhi yanaingizwa katika michoro

Sehemu ya Upimaji na Ramani.

Majukumu ya Idara ni;

•  Upimaji wa viwanja na mashamba.
•  Kuonyesha mipaka ya viwanja na mashamba. 
•  Kutatua migogoro ya ardhi na  kutoa elimu ya ardhi kwa wananchi.

Sehemu ya Ardhi Utawala na Usimamizi.

Majukumu ya Idara ni;

• Kupokea maombi yanayohusu Hati miliki na kutunza usajili wa maombi husika
• Kushughulikia utayarishaji wa nyaraka za kisheria
• Kutoa notisi na kupendekeza ubatilishaji wa miliki za viwanja visivyoendelezwa kwa mujibu wa sheria
• Kuwasiliana na wateja kuhusu Hati zilizotayarishwa na kuwakabidhi
• Kutoa ushauri na mapendekezo ya ugawaji wa viwanja na mashamba
• Kufanya ukaguzi wa viwanja

.