VIJANA 648 JIMBO LA KISHAPU WAANZA MAFUNZO YA SIKU 2 KWAAJILI YA UBORESHAJI WA DAFTARI LA KUDUMU LA WAPIGA KURA.

Posted on: August 18th, 2024

VIJANA 648 JIMBO LA KISHAPU WAANZA  MAFUNZO YA SIKU 2 KWAAJILI YA UBORESHAJI WA DAFTARI LA KUDUMU LA WAPIGA KURA.

Jimbo la  Kishapu Mkoani Shinyanga  wameanza mafunzo ya siku mbili kwa Waandishi wasaidizi na Waendeshaji wa vifaa vya Bayometriki wapatao 648 watakaosambazwa kwenye Vituo 324 kwa ajili ya kazi ya uboreshaji wa taarifa katika Daftari la kudumu la wapiga kura .

Akizungumza katika ufunguzi wa mafunzo hayo yanayoendelea katika kumbi tofauti tofauti katika Jimbo la Kishapu, Afisa Mwandikishaji wa Jimbo Kishapu Ndugu,  Emmanuel Johnson ametoa wito kwa Wananchi wote wenye sifa za kujiandikisha na kuboresha taarifa zao katika daftari la kudumu la wapiga kura litakalo anza Tarehe 21-27 Agosti 2024 kufika katika vituo vilivyo kwenye  maeneo yao ili waweze kuboresha taarifa zao,

Aidha Afisa Mwandikishaji wa Jimbo la Kishapu ametumia furusa hiyo kuwapongeza washiriki wote kwa kuteuliwa na Tume kuendesha na kusimamia zoezi la uboreshaji wa Daftari la kudumu la wapiga kura.

“Sina shaka kuwa kuteuliwa kwenu kunatokana na ujuzi,uwezo na weledi mlionao katika kutekeleza majukumu ya kitaifa likiwemo zoezi la uboreshaji wa Daftari ikiwa ni maandalizi ya Uchaguzi Mkuu wa mwaka 2025”Amesisitiza Afisa Mwandikishaji Jimbo la Kishapu Ndugu, Emmanuel Johnson. 

@tumeyauchaguzi_tanzania